Saturday, November 23, 2013

ဘုန်းကြီးကျောင်းမဟုတ်ပါ



စက်တင်ဘာ ရွှေဝါရောင်တော်လှန်ရေးကြီး တမဟုတ်ချင်း အရှိန်မြင့်လာပြီး နအဖစစ်အုပ်စု မျက်ဖြူဆိုက်နေချိန်၊ နအဖစစ်အုပ်စုက သူ့တို့ကိုးကွယ်တဲ့ ဘုန်းကြီးတွေ မေတ္တာသုတ်ရွတ် စီတန်းလမ်းလျှောက်တဲ့အထဲ ပါမသွားအောင် ဘုန်းကြီးချင်း သွေးခွဲထားတဲ့ အချိန်တုန်းက ဆိုပါတော့ …။

အဲဒီအချိန်မှာ ပြည်ပသတင်းထောက်တယောက်က ကျောက်ပန်းတောင်းမှာရှိတဲ့ ဘုန်းကြီးကျောင်းတကျောင်းကို ဖုန်းခေါ်သတဲ့။ ကျောင်းထိုင်ဆရာတော်ကို အင်တာဗျူးလုပ်ဖို့ပါတဲ့။ ဘာဖြစ်လို့ အင်တာဗျူးချင်တာလဲဆိုတော့ အဲဒီကျောင်းထိုင်ဆရာတော်က စီးတန်းလမ်းလျှောက်တဲ့အထဲ သူ့ကျောင်းက သံဃာတွေ မပါဝင်ကြဖို့ တားမြစ်တယ်ဆိုတဲ့သတင်း ကြားရလို့ပါတဲ့။ နောက်ပြီး အဲဒီဆရာတော်ဟာ စစ်အုပ်စုနဲ့ ကြံဖွံ့တွေက ကိုးကွယ်ဆည်းကပ်တဲ့ ဘုန်းကြီးလို့လည်း သတင်းထွက်နေလို့ပါတဲ့။

ကံကောင်းချင်တော့ ဖုန်းက အကြိမ်ကြိမ် မခေါ်ရဘဲ တန်းဝင်သွားပြီး “ဟလို” ဆိုတဲ့ နှုတ်ခွန်းဆက်သံကို ကြားရသတဲ့။ ဒါနဲ့ ဖုန်းလာကိုင်တဲ့သူကို “- - - - - ဘုန်းကြီးကျောင်းကပါလား”လို့ သတင်းထောက်က မေးလိုက်သတဲ့။ ဖုန်းကိုင်သူက “ဟုတ်ပါတယ်” လို့ ချက်ချင်း ပြန်ဖြေသတဲ့။ သတင်းထောက်က ၀မ်းသာသွားပြီး “ဒါဆို ကျနော့်ကို ကျောင်းထိုင်ဆရာတော်နဲ့ စကားပြောခွင့်ပြုပါခင်ဗျာ” လို့ ဖုန်းကိုင်သူထံ ခွင့်ပန်လိုက်သတဲ့။ အဲဒီအခါမှာ တဘက်က ဖုန်းကိုင်သူက “အေး … ငါပဲကွဲ့၊ ဘာကိစ္စရှိလို့လဲ” လို့ ပြန်မေးသတဲ့။

အဲဒီမှာ သတင်းထောက်က အားတက်သွားပြီး “ကျနော် - - - အသံလွှင့်ဌာနကပါ။ ဆရာတော်နဲ့ အင်တာဗျူး လုပ်ချင်လို့ပါဘုရား” လို့ ရိုရိုသေသေ ခွင့်တောင်းလိုက်သတဲ့။ အဲဒီလိုလည်း ခွင့်တောင်းရော တဘက်ဖုန်းကိုင်သူက ကပျာကယာ စကားတခွန်းပြောပြီး ဖုန်းကို “ဂွပ်”ကနဲ ချသွားလို့ သတင်းထောက်ခမျာ ပြုံးစိစိဖြစ်ကျန်ခဲ့သတဲ့။

တဘက်ဖုန်းကိုင်သူ ပြောလိုက်တာကတော့ “ဟေ့ … ဒကာကြီး … ဒါ ဘုန်းကြီးကျောင်းမဟုတ်ဘူး၊ အိမ်ကွဲ့ … အိမ် … အိမ်” ပါတဲ့။ အော် … နအဖဘုန်းကြီးတွေလည်း နအဖလိုပဲ လိမ်တတ်ပါကလားဆိုပြီး ပြုံးစိစိဖြစ်တာနေမှာပေါ့နော်။

http://thawgyinpt.blogspot.com

https://www.facebook.com/thawzinhtun

0 comments:

Post a Comment

Related Posts Plugin for WordPress, Blogger...
Blogger Widgets